Detaje nga 35-vjetori i PS-së, veç një person do të mbajë fjalim

Partia Socialiste shënon sot 35-vjetorin e themelimit me një aktivitet që do të zhvillohet në Sheshin ”Italia” në Tiranë. Pjesëmarrësit do ta ndjekin ceremoninë në këmbë, ndërsa i vetmi fjalim i parashikuar do të jetë ai i kryeministrit dhe njëherazi kryetarit të PS-së, Edi Rama.

Programi i aktivitetit përfshin edhe shfaqjen e disa materialeve filmike që pasqyrojnë historinë dhe rrugëtimin e forcës politike, ndërsa nuk janë planifikuar ndërhyrje apo fjalime nga figura të tjera të partisë.

Masat e sigurisë janë shtuar ndjeshëm për mbarëvajtjen e aktivitetit. Lokalet dhe baret pranë stadiumit “Air Albania” janë mbajtur të mbyllura gjatë zhvillimit të aktivitetit. Kjo festë zhvillohet në një klimë të veçantë politike, teksa paralelisht vijojnë thirrjet dhe protestat e opozitës që kërkojnë largimin e kryeministrit.