Dita e 16-të/ Qytetarët grumbullohen në sheshin ”Skënderbej”, kërkojnë dorëheqjen e qeverisë

Qytetarët kanë filluar të mblidhen në sheshin ”Skënderbej” në kuadër të ditës së 16-të të protestës. Pas grumbullimit, protestuesit pritet të marshojnë drejt bulevardit Dëshmorët e Kombit, duke përsëritur thirrjet e tyre për dorëheqjen e kryeministrit Edi Rama. Gjatë tubimit, pjesëmarrësit kanë vijuar të shprehin shqetësimet dhe problematikat që sipas tyre i kanë shtyrë të dalin në protestë. Organizatorët bëjnë të ditur se kërkesat e qytetarëve mbeten të njëjtat, ndërsa protesta vazhdon për të 16-ën ditë radhazi.