Drejt përfundimit shëtitorja e re e Ksamilit, Rama: Transformohet një nga hapësirat më të frekuentuara të jugut

Shëtitorja e re e Ksamilit po shkon drejt përfundimit të punimeve, duke sjellë një transformim të rëndësishëm të një prej hapësirave publike më të frekuentuara në jug të Shqipërisë.

Kryeministri Edi Rama teksa ka ndarë pamje, shkruan se do të jetë një hapësirë publike e transformuar për banorët dhe për çdo vizitor që zgjedh jugun e Shqipërisë. “Drejt përfundimit Shëtitorja e re e Ksamilit. Një hapësirë publike e transformuar për banorët dhe për çdo vizitor që zgjedh jugun e Shqipërisë”.

Projekti përfshin sistemimin e plotë të shëtitores, shtimin e sipërfaqeve të gjelbra, ndriçimin modern, mobilimin urban dhe krijimin e ambienteve më funksionale për banorët dhe turistët. Investimi synon të përmirësojë cilësinë e jetës në zonë, si edhe të forcojë potencialin turistik të Ksamilit, një prej destinacioneve më të vizituara në vend.

Me përfundimin e punimeve, shëtitorja e re pritet t’u ofrojë banorëve dhe vizitorëve një mjedis modern dhe funksional për shëtitje e rekreacion, duke pasuruar më tej ofertën turistike të bregdetit shqiptar.