Erion Braçe në GJKKO: Dikush duhet të ndëshkohet që të mos…

Deputeti i Partisë Socialiste, Erion Braçe, është paraqitur ditën e sotme në Gjykatën e Posaçme Kundër Korrupsionit dhe Krimit të Organizuar (GJKKO).

Braçe ka shkuar në GJKKO lidhur me një çështje gjyqësore që lidhet me akuzën për shpifje. Deputeti socialist është përfshirë prej muajsh në një proces gjyqësor me biznesmenin Anduel Çekrezi, pas deklaratave publike dhe postimeve në rrjetet sociale lidhur me një konflikt pronësie në zonën e Imshtës, në Lushnjë.

Pas daljes nga Gjykata e Posaçme, në një prononcim për mediat, Braçe tha se në gjithë historinë e tjetërsimit të pronave në favor të privatëve dikush duhet bërë shembull.

“Besoj që jemi para një fakti penal shumë konkret. Mendoja se mjaftonte ligji i 2022 dhe vendimi i Këshilli të Ministrave që përcakton se toka nga vija e lumit deri në argjinaturë është shtetërore. Zotërinjtë në seancën që shkuan insistuan ndryshe. Kam depozituar sot pranë gjykatës, ligjet, bashkë me vendimet respektive ë Këshillit të Ministrave që përcaktojnë që toka nga vija e lumit deri në argjinaturë është tokë e lumit, tokë e shtetit dhe as nuk mund të tjetërsohet dhe as parashkruhet”, tha ai.