Në zemër të Pazarit të Vjetër të Korçës, EtnoArtGallery “Shtëpia e Kujtesës” hap një dritare drejt së shkuarës, duke ruajtur dhe përcjellë histori të një kohe që vazhdon të jetojë përmes traditës.
Teksa ka ndarë pamjet, kryeministri Edi Rama ka vlerësuar këtë nismë, duke theksuar punën dhe përkushtimin e kostumografes Lirika Pojani në krijimin e një hapësire ku çdo objekt mbart një histori dhe çdo detaj përcjell trashëgiminë e vendit.
”Në zemër të Pazarit të Vjetër të Korçës, EtnoArtGallery-“Shtëpia e Kujtesës” ruan dhe rrëfen historitë e një kohe që vazhdon të jetojë përmes traditës. Kostume autentike, objekte të rralla dhe detaje që sjellin atmosferën e jetës së dikurshme në fshat dhe në qytet, krijojnë një udhëtim të veçantë në kujtesën dhe identitetin tonë kulturor. Një hapësirë e kuruar me pasion dhe përkushtim nga kostumografja Lirika Pojani, ku çdo element mbart një histori dhe çdo kënd flet për trashëgiminë që na përfaqëson”,-shkruan Rama.
