“FB” errëson për disa minuta “puthjen” e Rodin, ja arsyeja

Pas njoftimit nga menaxherët e faqes në Facebook “Linja e hijes”, që do të organizojë shfaqjen në Treviso, rrjeti social ka “rehabilituar” imazhin falë “kontrollit të dyfishtë”.

“Puthja” e Rodinit si fillim zhduket dhe pastaj rishfaqet nëpërmjet faqes në Facebook “Linja e hijes”, një organizatë që merret me organizimin e shfaqjeve të mëdha, përfshirë atë të Auguste Rodin në Treviso, që do të hapet më 24 shkurt. Posti shoqërohet edhe me prezantimin  e ngjarjes, datat, dhe informacionet e nevojshme për rezervime dhe bileta.

“Pas zbulimit të incidentit – ka denoncuar “Linja e hijes” – mosmarrëveshja u rrit kur u zbuluan arsyet nëpërmjet Facebook, ku flitej për një imazh që tregon tepër trupin ose paraqet përmbajtje aluzive.

Por si gjithmonë Facebook, edhe në shënimin e dërguar, ofron një zgjidhje, madje duke këshilluar ‘të përdorni  përmbajtje që fokusohen në produktin ose shërbimin tuaj, duke shmangur aluzionet e natyrës seksuale’.

Që nga 6 nëntori vazhdojnë rezervimet për shfaqjen e madhe të Rodinit, që hapet në Treviso më 24 shkurt 2018.

“Puthja” dhe “Mendimtari” janë dy nga skulpturat më të famshme të të gjitha kohërave, të pranishme në imagjinatën e të gjithëve. Auguste Rodin, autori i tyre është quajtur “skulptori i impresionizmit”. Jo rastësor është edhe raporti i tij me Monet, që çoi në shfaqjen e madhe pariziene në vitin 1889, në galerinë e Georges Petit.

Marco Goldin, përgjegjës i shfaqjes, u fut menjëherë në një betejë ideologjike, duke pyetur se si mundet “një imazh simbol i historisë së artit, një ikonë e vërtetë e bukurisë së përjetshme, të krahasohet me një ndonjë imazh seksualisht eksplicit? Në një rrjet – vazhdoi ai – i pushtuar nga përmbajtje të tmerrshme pornografike, duan  me të vërtetë ta barazojnë me lakuriqësinë. Por a vlen në këtë rast Puthja e Rodinit për imazhet që qarkullojnë lirshëm?

Facebook dhe rreziku i “censurës”: prapa bllokut një ushtri moderatorësh

Errësimi i postit për disa minuta, është për shkak të algoritmit Facebook,  i thirrur për të “censuruar” imazhet nga përmbajtje tepër eksplicite ose pornografike. Pas raportimit të pronarëve që panë se imazhi u zhduk nga faqja, ekipi i rrjetit social më popullor, kontrolloi manualisht përmbajtjen e imazhit.

Qeniet njerëzore e kanë transformuar lehtë atë. Por ekziston një procedurë e “kontrollit të dyfishtë”, që ndodh çdo herë që algoritmi ka dyshime nëse imazhet mund të ndikojnë në ndjeshmërinë e përdoruesit. Dhe mund të ndodhë që, mes ‘viktimave’ të procedurës, të jenë skulptura ose piktura. Por qetësohuni, Facebook nuk ka si  qëllim të errësojë artin.