Berisha: Me 26 Nëntor Tirana të jetë në duart e qytetarëve, bllokim i çdo rruge

Kryetari i Partisë Demokratike Sali Berisha ka zhvilluar një mbledhje të jashtëzakonshme me drejtuesit politikë të kësaj partie ku temë kryesore e saj ka qenë marshimi i radhës në kuadër të mosbindjes civile që pritet të mbahet në 26 Nëntor.

“Kjo mbledhje e thirrur me urgjencë lidhet me protestën, me marshimin në Tiranë të qytetarëve të Tiranës dhe mbarë Shqipërisë me datën 26 Nëntor, ora 17.00. Koha në të cilën thirret jo protesta, por mosbindja civile, është e shkurtër. Por, revolta, zemërimi i qytetarëve ndaj qeverisë rritet me shpejtësi progresive nga java në javë. Zemërimi ndaj saj është i pandalshëm.

Ndaj dhe kërkoj nga ju, nga kryetarët e degëve, kryesitë e degëve, anëtarët e kryesive, kryetarët e grup-seksioneve, anëtarët e grup-seksioneve dhe mbështetësit tanë, një mobilizim të jashtëzakonshëm në mënyrë që Tirana me datë 26 të jetë e tëra në duart e qytetarëve dhe jo të qeverisë”- tha Berisha.