Flamur Noka: Kur PD luftonte ligjin për Zonat e Mbrojtura, të tjerët i bënin opozitë opozitës

Sekretari i Përgjithshëm i PD-së, Flamur Noka, ka reaguar për debatin mbi Ligjin për Zonat e Mbrojtura, duke akuzuar forcat e vogla politike se po përpiqen të përfitojnë politikisht nga protesta kundër ndryshimeve në ligj.

Në një postim në Facebook, Noka shkruan se kur PD zhvillonte betejën kundër ligjit për Zonat e Mbrojtura, “partiçkat që sot hapen si flamurtare të protestës, i bënin opozitë opozitës”. Sipas tij, këto forca nuk reaguan në momentin kur ligji po kundërshtohej, ndërsa tani, sipas Nokës, janë zgjuar vetëm për të fituar vëmendje dhe klikime në rrjetet sociale.

”Kur PD bënte betejë kundër Ligjit për Zonat e Mbrojtura, partiçkat që sot hapen si flamurtare të protestës, i bënin opozitë opozitës. Përse nuk u zgjuan asokohe, apo sot u duhen klikimet në rrjete sociale”,-shkruan Noka.