Dita e dytë e protestës studentore u shoqërua me përplasje mes protestuesve dhe Policisë edhe pranë Kryeministrisë, në Bulevardin “Dëshmorët e Kombit”. Protestuesit u konfrontuan me forcat e rendit dhe gjatë tensioneve u përdorën ujë me presion dhe gaz lotsjellës për shpërndarjen e turmës. Siç shihet edhe në fotot e fiksuara nga gazetari i “Koha Jonë”, Daniel Muçaku, kjo është situata në zonën pranë Kryeministrisë pas një qëndrese afro për 2 orë që u shoqërua me tensione dhe përplasje mes protestuesve dhe efektivëve të Policisë.
