FOTO/ Rriten sërish tensionet në disa Ministri, përplasje e ashpër

Tensionet janë rikthyer pranë Ministrisë së Brendshme dhe të Bujqësisë, ku protesta është shoqëruar me përplasje mes demonstruesve dhe forcave të policisë. Efektivët kanë përdorur gaz dhe ujë për të shpërndarë turmën, ndërsa protestuesit janë kundërpërgjigjur duke hedhur gurë në drejtim të policisë. Për të ndaluar lëvizjen e protestuesve drejt Kryeministrisë, uniformat blu kanë krijuar një kordon sigurie, duke tentuar të frenojnë avancimin e turmës. Situata vijon të mbetet e tensionuar, ndërsa protesta po zhvillohet mes përplasjeve dhe përballjes së drejtpërdrejtë mes palëve.