Gazetari Hoxha shpallet “non grata” nga Greqia, deputeti Bido: E papranueshme që një shtet të ndikohet nga nacionalizmi

Deputeti i PS-së, Ardit Bido ndalimin e gazetarit Artan Hoxha në kufirin shqiptaro-grek përbën rastin e dytë në pak vite që gazetarët shqiptarë ndalohen në kufi për shkak të raportimit dhe të bindjeve të tyre. Ai e konsideron të papranueshme që në shekullin e 21-të një shtet europian të ndikohet nga nacionalizmi.

Sipas tij të drejtat e shqiptarëve të Çamërisë, përballja me nacionalizmin politik të fenomeneve, si dhe mbrojtja e të drejtave kombëtare të shqiptarëve, nuk janë opsion, por detyrim i çdo gazetari dhe i çdo shqiptari.

“Është e papranueshme që në shekullin e 21-të, autoritetet e një shteti evropian të vijojnë të ndikohen nga grahmat e fundit të nacionalizmit. Kërkimi i të drejtave të shqiptarëve të Çamërisë, përballja me nacionalizmin politik të fenomeneve Agimi i Artë, Beleri etj., si dhe mbrojtja e të drejtave kombëtare të shqiptarëve, nuk janë opsion, por detyrim i çdo gazetari dhe i çdo shqiptari. Ndaj, sulmi ndaj tyre, përmes shpalljes “non grata” përbën abuzimin më të madh me vlerat evropiane”, shkruan Bido.