Gjergj Luca nesër hap Allishverishin në Elbasan; Ervin Salianji dhe Ilir Alimehmeti të ftuar specialë

Sipërmarrësi i njohur Gjergj Luca ka njoftuar me një videomesazh hapjen e Allishverishit të radhës në Elbasan, duke përmbushur kështu paralajmërimin e bërë muaj më parë, kur sapo kishin nisur punimet për ngritjen e kësaj strukture të re të kulinarisë detare.

“Nesër kemi sebep në Elbasan, çelet restoranti më i ri i peshkut i linjës Allishverishi. Nga partia ime ftoj vetëm Salianjin dhe doktor Alimehmetin; ju të tjerët ngrohuni në diellin e Shqupit!”, shprehet Luca me stilin e tij karakteristik, plot humor dhe thumb politik.
Ai sqaron se për këtë event promovimi ka zgjedhur t’i ftojë nga partia e ime, nga zemra ime, Partia Demokratike vetëm dy emra, Ervin Salianjin dhe Ilir Alimehmetin, duke e cilësuar praninë e tyre si një ogur të mbarë për rrugëtimin e këtij investimi të ri.
Allishverishi i Elbasanit vjen pas suksesit të pikës së parë në Tiranë, duke e shndërruar këtë seri njësish në një markë të konsoliduar të shërbimit me produkte deti. Me hapjen e tij, Luca synon të zgjerojë më tej hartën kulinare të brendshme të vendit dhe të ofrojë një standard më të lartë të kuzhinës së peshkut për publikun elbasanas.

AV