Gonxhja: Kemi refuzuar koncertin Jennifer Lopez, donte 2 milionë euro garanci

Ministri i Turizmit, Kulturës dhe Sportit, Blenxi Gonxhja, deklaroi se qeveria ka refuzuar zhvillimin e një koncerti në Shqipëri të këngëtares Jennifer Lopez, për shkak të garancisë së madhe financiare që ajo kërkoi.

“Kemi refuzuar Jennifer Lopez se donte 2 milionë euro garanci nga protesta. Nëse do të ketë protesta donte garanci dhe ne nuk e pranuam”, deklaroi Gonxhja në mbledhjen e Komisionit për Kulturën, Turizmin dhe Diasporën, ku u diskutua Akti Normativ i Qeverisë për dhënien e një financimi prej 4,2 milionë eurosh për zhvillimin e koncertit të Kanye West.

Gonxhja mbrojti vendimin e qeverisë për dhënien e shumës për sigurimin e zhvillimit të koncertit, duke thënë se, sipas një vlerësimi paraprak, më së paku në arkat e shtetit janë kthyer 6,5 milionë euro.