Hapja e Konsullatës shqiptare në Luginën e Preshevës, Spahiu: Akt patriotik i diplomacisë shqiptare

Marrëveshja në parim mes Shqipërisë dhe Serbisë për çeljen e një konsullate shqiptare në Bujanoc dhe një konsullate serbe në Shkodër ka nxitur diskutime të shumta në opinionin publik. Në Shkodër janë organizuar edhe protesta nga qytetarë që kundërshtojnë hapjen e përfaqësisë diplomatike serbe. Analisti Kreshnik Spahiu e cilëson këtë marrëveshje si një sukses të rëndësishëm të diplomacisë shqiptare. Sipas tij, vendosja e një konsullate shqiptare në Luginën e Preshevës është një arritje me peshë historike dhe kombëtare, ndërsa reagimet kundërshtuese ndaj kësaj nisme i konsideron të pajustifikuara.

”Debati është i ligjshëm, por shpesh i paargumentuar. Me mijëra qytetarë flasin pa lexuar ligjin apo parimet e hapjes së konsullatave. Ato janë ekzistenca e një numri emigrantësh, minoriteti me etnitet ndryshe, interesi i marrëdhënieve ndërkufitare, tregtare, ekonomike, kulturore etj. SHBA nuk kanë pakica në Kinë por kanë dhjetëra konsullata. Turqia ka 14 konsullata në Gjermani po jo se ka pretendime territoriale.

Unë habitem pse heshtën këta patriotë kur u hapën konsullatat në Korçë e Gjirokastër. A ka minoritet grek në Gjirokastër? Nuk ka! Po në Korçë? Jo! Po kur u hapën konsullatat italiane në Shkodër e Vlorë, u hapën për shkak të emigrantëve. Procesi i Berlini është për zgjerim në shërbimit konsullore të 6 vendeve të BP ku bën pjesë dhe Shqipëria.

Nga kjo marrëveshje përfitojnë shqiptarët apo serbët? Ka një aspiratë prej dekadash të mijëra shqiptare që jetojnë në jug të Serbisë që jetojnë në trojet e tyre për të cilat ne kemi pretendim dhe do hapet konsullata atje. Është hap historik i diplopmacisë shqiptare për të hapur një konsullatë në Luginën e Preshevës.

Shqipëria përfiton 90% në raport me Serbinë që hap një konsullatë nga e cila ska asnjë pretendim. Shkodra nuk rrezikon dhe ska pretendime territoriale për Shkodrën. Ne themi që Lugina e Preshevës është shqiptare. Hapja e konsullatës është jetike. Pse janë kundër kësaj? Pse e dëmtojnë këtë iniciativë patriotike? Marrëveshjet diplomatike janë merr/jep por jo jep Preshevën për Shkodrën. Serbët kanë humbur me këtë marreëveshje por shqiptarët kanë përfituar”,-tha Spahiu në Report TV.