Historia e Edonës, e reja që tërhoqi vëmendjen në protestën e 13 majit

Një ndër fjalimet që pikasi në protestën e Partisë Demokratike të shtunën e 13 Majit, është edhe ai i shkodranes Edona Staka. Emri i saj “pushtoi” portalet dhe fjalimi bëri bujë.

Staka shprehet se rebelimi i vjen natyrshëm për shkak të situatës së vështirë ekonomike të vendit dhe nga ana tjetër propagandën për mirëqenien. E folura në gegnisht dhe mesazhet e forta që dha, e bën fjalimin e Edona Stakës në protesën e opozitës të mbahet mend dhe të bëhet brenda disa orëve virale në rrjetet sociale.

Shkodrania thotë se rebelemi i saj vjen për shkak të gjendjes në të cilën ndodhet vendi, ku të rinjtë nuk kam mundësi të konkurojnë në tregun e punës sipas meritës; ndërsa ekranet, sipas saj mbushen me fasada të mirëqënies.

“Kur them na i kanë marrë tana, nuk e kam vetëm për gjanat materiale, por të drejtat. Na kanë marrë të drejtën me tregu veten, me konkuru ndershmërisht, mu promovu”, u shpreh ajo për “Ora News”.

Ka aspiratën e saj për tu përfshirë në politikë, ndaj dhe thotë se nuk do të reshtë së thëni të vërtetën sapo të ketë një mikrofon në dorë.