Integrimi, Bardhi: PD paketë me 3 nisma ligjore! Shqipëria hyn në fazën më të rëndësishme me më shumë kushte nga BE

Sot mbahet Konferenca Ndërqeveritare dhe kreu i grupit parlamentar i PD, Gazment Bardhi tha se Shqipëria po hyn në fazën më të rëndësishme të procesit të integrimit me më shumë kushte dhe mosbesim nga BE. Nga ana tjetër ai shtoi se do të paraqesin në Kuvend 3 nisma ligjore në ditët në vijim që synojnë të adresojnë kushtet që BE ka vendosur.

”PD nuk do të humbasë kohë me retorikë boshe, por do të nisë përkthimin në akte konkrete kushte që BE i ka vendosur Shëipërisë. Gjatë ditëve në vijim do të depozitojmë në Kuvend 3 nisma ligjore:

-Shfuqizimin e ligjit për investimet strategjike. Ky ligj i papajtueshëm me frymën europiane të konkurrencës ka prodhuar pabarazi, mungesë konkurrence, grabitje pronash.

-Iniciativë për dekriminalizimin e plotë të shpifjes ndaj gazetarëve duke ndërmarrë një hap konkret duke i dhënë fund presionit politik apo penal ndaj tyre. Gazetarët që vuajnë autocensurën, censurën nga pronarët mos të përballe me presionin.

-Kriminalizimin e plotë të pastrimit të parave”, tha Bardhi.