Ishujt Faroe kërkojnë nuse

Kur Athaya Slaetalid u zhvendos nga Tajlanda në Ishujt Faroe, ku dimri zgjat gjashtë muaj, ulej gjithë ditën pranë stufës. “Njerëzit më thoshin të dilja jashtë, sepse kishte dale dielli, por unë ua ktheja: ‘Jo! Më lini rehat, kam ftohtmër”. Dhe zhvendosja në këtë vend para gjashtë vitesh ishte shumë e vështirë, pranon Athaya. Ajo ishte takuar me burrin Jan gjatë kohës kur ai po punonte me një mik nga Ishujt Faroe, që kishte nisur biznes në Tajlandë. Jani e kishte ditur menjëherë se do të ishte e vështirë ta sillje gruan në këtë vend për shkak të kulturës krejt tjetër, me motin dhe peizazhin krejt ndryshe prej ambientit tajlandez. “Kisha shqetësimet e mia, sepse gjithçka prej të cilave po hiqte dorë ishte krejt ndryshe prej gjithçkaje që e priste”, pranon ai. “Por duke e njohur Athayan, e dija se mund t’ia dilte mbanë”. Tani janë më shumë se 300 gra nga Tajlanda dhe Filipinet që jetojnë në Ishujt Faroe. Nuk duket shifër e madhe, por në një vend me popullsi prej vetëm pesëdhjetë mijë banorësh, ato përbëjnë pakicën më të madhe etnike në këtë shtet me tetëmbëdhjetë ishujsh, që shtrihen ndërmjet Norvegjisë dhe Islandës.