Iu kishin publikuar videot në një faqe pornografike, 22 gra marrin dëmshpërblimin marramendës, disa prej tyre kishin prirje drejt vetëvrasjes

Një gjykatë amerikane ka vendosur që 22 gra duhet të dëmshpërblehen me 12.7 milionë dollarë nga pronarët e një faqeje pornografike për shkak të publikimit të materialit pa pëlqimin e tyre.

Gratë ishin mashtruar dhe ishin përfshirë në një skemë të madhe të videove për të rritur. Disa prej tyre kishin rënë në gjendje depresioni dhe kishin shfaqur shenja të prirjes për vetëvrasje pasi kishin kuptuar se videot e tyre janë publikuar në njërën prej faqeve më të mëdha pornografike në botë.

Në një gjykatë të lartë në San Diego u dëgjuan dëshmitë e grave që ishin viktimë e këtij mashtrimi. Faqja e themeluar në vitin 2006 menaxhohet nga shtetasi i Zelandës së Re, Michael Pratt.

Fillimisht, gratë kishin aplikuar në një konkurs bukurie, ndërsa më vonë kishin marrë ofertë nga disa gra të tjera për të luajtur në filma pornografikë, por ato i kishin siguruar se pamjet kurrë nuk do të dilnin në internet.

Atyre u ishte thënë se filmat do të shiten në CD te blerësit e pasur në shtete të tjera, përfshirë Australinë dhe Zelandën e Re.

Megjithatë, filmat ishin ngarkuar në disa prej faqeve më të vizituara në kësaj industrie dhe ishin pare më shumë se një miliard herë. Disa persona anonimë ua kishin dërguar linqet e këtyre videove familjeve dhe miqve të grave, shkruan “The Guardian”.