Ja parashikimi i Nard Ndokës për ndeshjen

Të gjithë janë në pritje të finales së madhe të Champions League mes Juventusit dhe Barcelonës. Supersfida e Berlinit, që starton sot në 20:45, ka tërhequr vëmëndjen jo vetëm të tifozëve por edhe të deputetit të Kuvendit të Shqipërisë Nard Ndoka.

Zoti Ndoka njihet si specialist në shumë fusha, një prej të cilave edhe futbolli.

I pyetur nga Portali Albeu në lidhje me takimin e sotëm, kreu i demokristianëve u shpreh se ndeshja do të jetë shumë e bukur dhe me shumë gola.

"Barcelona do të ketë kontrollin më të madh të lojsë, ndërsa Juventusi do të mbrohet. Këto janë ndeshje ku një gabim shumë i vogël kushton shumë.Barcelona niset si favorite, por në futboll nuk i dihet asnjëherë", tha Nard Ndoka atë që e dinë të gjithë.

Në fund specialist i gjithëdijshëm Nard Ndoka bëri edhe një parashikim: "Një gjë është e sigurtë, do ketë ose pak ose shumë gola". 

Burimi: Albeu