Jepet sot masa e sigurisë ndaj Ergys Agasit

Ergys Agasi i akuzuar për dosjen e AKSHI-t do të dalë sot para Gjykatës së Posaçme për verifikimin e masës së sigurisë.

Arrestimi i tij u bë mbrëmjen e së mërkurës, aksion i cili u ndërmor për 2 javë, pasi ai ishte lokalizuar nga autoritetet.

Gjatë kësaj kohë ai është vëzhguar nga distanca me metoda speciale.

Ndërkohë avokati i Ergys Agasit, Maks Haxhia, ka mbërritur këtë të premte në ambientet e Gjykatës së Posaçme kundër Korrupsionit dhe Krimit të Organizuar (GJKKO), ku pritet të zhvillohet seanca për masën e sigurisë ndaj klientit të tij.