Nuk ka kamp me çadra në Manzë. Rreth 14 familje që ishin aty prej dy javësh janë zhvendosur mbrëmjen e së hënës nga qeveria.
Nuk ka kontenierë, por çadrat e tyre janë zhvendosur përpara pallateve apo banesave të shkatërruara.
“Plakun e kam me operacion në këmbë, ka pasur thyerje këmbe.E kam sëmurë dhe nuk i bëjnë strehim. E deshëm një kontenier. por nuk na e dha njeri.”
Kësaj familje me 7 anëtare shtëpia i është shkatërruar që në tërmetin e 21 shtatorit.
Ata morën një shtëpi me qira, e cila sot është e pabanueshme. I sëmurë me tumor, i zoti i shtëpisë qëndron në shtëpi dhe pse kjo banesë është e rrezikshme.
“Nuk duam as veshëmbathje, as bukë dhe as ujë. Duam një strehim. Plakun e kam të sëmurë, me dializë. Kemi mbetur në rrugë të madhe.Nuk mjundem të lëviz se kam bagëtinë, kam tre lopë këtu. Na kanë thënë se shtëpia është e pabanueshme, mos rri brenda. Nuk kam ku shkoj.”
Ka një fëmijë të sëmurë, tjetrit i ëshë thyer këmba gjatë tërmetit, por kjo familje e përbërë nga 7 anëtarë është larguar nga kampi i çadrave në Manzë.
“Na thanë sa të kaloni andej do t’ ndihmojmë. Askush nuk ka ardhur. Vetëm hoqën çadrat. I dua shtetit vetëm një copë shtëpi, të fus kokën dhe kalamajtë të rri e qetë. Nuk e përballoj dot.”
Kjo zonjë nga Durrësi prej dy javësh ishte vendosur në çadrat e Manzës, por sot me dy fëmijët e saj është në mes të katër rrugëve.
“Isha vetëm me dy kalamajtë, shtëpia është e prishur por këta nuk duan të futen atje se kanë frikë”.
Kjo është familja e Adës, e cila solli në jetë fëmijën e saj vetëm pak ditë pas tërmetit të 26 nëntorit.
Ajo bashkë me foshnjen është në kontenier, por ka një kërkesë për qeverinë.
“Ne duam një shtëpi aq sa e kishim.”
/Ora News