Kandidatët e PD pa vulën e Berishës në zgjedhjet e 9 nëntorit

Më 9 nëntor do të mbahen zgjedhjet e pjesshme lokale në 5 bashkitë e vendit. Kandidatët e opozitës nuk do të kenë logon e PD-së.

Dy emrat e parë që shkuan në KQZ, kandidati i Vlorës, Dionis Sota dhe ai i Beratit, Pavlo Shkarpa zyrtarizuan emrin e tyre si kandidatë të pavarur, duke autorizuar secili nga një komitet nismëtarësh për mbledhjen e firmave, ndonëse ky proces po kryhet nga degët e PD-së.

Deri më tani për çdo bashki ka nga të paktën nga dy kandidatë, një socialist dhe një i pavarur që mbështetet nga demokratët, por në Bashkinë më të vogël ku garohet, Cërriku, gara është më e fortë pasi janë katër emra që kërkojnë të zgjidhen qytetar i parë.