KLP hap garën për postin e Prokurorit të Përgjithshëm

Këshilli i Lartë i Prokurorisë do të hapë këtë të martë thirrjen për garën e postit të Prokurorit të Përgjithshëm.

Në agjendën e shpërndarë për mbledhjen e së martës, bëhet me dije se kjo do të organizohet në prezencë të Anëtarëve të Këshillit të Lartë të Prokurorisë, si dhe përfaqësuesve nga Prokurori i Përgjithshëm, Ministria e Drejtësisë, Delegacioni i BE dhe Programi OPDAT.

Në këtë mbledhje do të jetë e pranishme edhe media.

Rendi i ditës:

1. Miratimi i Procesverbalit të mbledhjes plenare datë 18.06.2026;

2. Diskutimi/miratimi i Projektvendimit: “Për shpalljen e fillimit të procedurës për përzgjedhjen e kandidatëve për Prokuror të Përgjithshëm, përmes thirrjes publike për aplikim”; Të tjera (pyetje/diskutime).