Koço Kokëdhima u jep “notën” dy konkurentëve të “The Voice 6” (FOTO)
Drejtuesi i lëvizjes ZGJIDHJA, Koço Kokëdhima, njihet për lidhjet e ngushta me muzikën. Qoftë edhe prej faktit se vajza e tij e madhe, Besa, është një këngëtare e afirmuar në skenën shqiptare dhe fituese e shumë çmimeve të rëndësishme në festivale.
Por kësaj radhe, Kokëdhima, nuk është mjaftuar vetëm me vlerësimin e muzikës, por edhe të interpretuesve. Dhe ata janë dy të rinj të talentuar që çdo të premte i kemi parë në “Thë Voice 6”. Bëhet fjalë për Aldon dhe Anxhelën, dy konkurrentët që janë pjesë e skuadrës BESA dhe që po mahnitin publikun me intepretimet e tyre live në skenë.
Kokëdhima, pas takimit me Aldon dhe Anxhelën, shpreh në profilin tij në Facebook mbresat për ta, duke u shprehur se ata janë njëri yll dhe tjetri thesar dhe se ata kanë bërë krenarë të gjithë dhe jo traineren e tyre, Besa.
Statuset e Kokëdhimës në “Facebook”
Aldo, ky yll i “The Voice 6”
Aldo është një fenomen 17-vjeçar që ëndërron një karrierë të begatë. Ky zë ndërkombëtar e plot aftësi, sharmi i tij skenik, talenti i lindur prej performuesi, stili i tij koherent dhe dashuria e madhe që ka në zemër, e bëjnë Aldon shembullin më tipik të yjeve që Shkodra ka nxjerrë ndër vite. E ardhmja e tij rezervon po aq surpriza sa surpriza ai i rezervon publikut. Aldo është gjithashtu një zbulim që Besa ka krenarinë ta ndajë me të gjithë ne.
Anxhela është një thesar
Anxhela, një talent i rrallë, një vajzë kaq e dashur, edhe pse jeta shpesh nuk ka qenë njësoj e dashur me të. Si fuqia e saj vokale, ashtu edhe fuqia e shpirtit, e sollën Anxhelën në krye të këtij udhëtimi në “The Voice 6”. Revolta në tingullin e saj unik, puna e palodhur në teknikën e saj, bota artistike e reflektuar në performancat dhe sjelljen në skenë, mirësia e pozitiviteti i saj, e bëjnë Anxhelën një thesar të muzikës dhe një zbulim për të cilin Besa dhe ne ndihemi shumë krenarë.
KOHA JONË SONDAZH
