Konferenca e IX Ndërqeveritare, komisionerja Marta Kos: Krah Shqipërisë deri në fund

Komisionerja për Zgjerimin e BE-së, Marta Kos ka vlerësuar përparimin e Shqipërisë në rrugën drejt anëtarësimit, gjatë Konferencës së 9-të, ku sonte u mbyllën edhe 3 grupkapituj të negociatave.

Ajo theksoi se qytetarët e vendeve anëtare të BE-së kanë shprehur mbështetje për zgjerimin e bllokut, ndërsa siguroi se do të vazhdojë të mbështesë Shqipërinë gjatë gjithë mandatit të saj, deri në përfundimin e procesit.

“Universitetet shqiptare janë pjesë e kërkimit europian. Përgëzime të gjithë miqve tanë shqiptarë për punën e tyre dhe për këtë arritje. Ne mbështetemi te Shqipëria për të vazhduar për të këmbëngulur në reforma thelbësore. 94% e qytetarëve mendojnë se zgjerimi do të sjellë më shumë avantazhe. Udhëheqja politike dhe mbështeteja publike janë përtej dyshimit, një recetq shumë e fortë për sukses. Është në dorën tuaj që të jepni rezultate për qytetarët shqiptarë. Do të jem krah jush deri në fund të mandatit tim”, tha Kos.