Kryebashkiaku Disha fton qytetarët e Librazhdit në konsultim për ndarjen administrativo-territoriale

Bashkia Librazhd ka nisur procesin e konsultimit publik për projektligjin “Për ndarjen administrativo-territoriale të njësive të qeverisjes vendore në Republikën e Shqipërisë”. Njoftimi është bërë nga kryetari i Bashkisë Librazhd, Mariglen Disha, i cili bën me dije se në ditët në vijim do të zhvillohen takime konsultuese në secilën Njësi Administrative të Bashkisë.

Gjatë këtyre takimeve, qytetarët do të kenë mundësinë të njihen më nga afër me përmbajtjen e projektligjit, si dhe të paraqesin mendimet, propozimet dhe sugjerimet e tyre lidhur me ndryshimet e propozuara në ndarjen administrativo-territoriale.

Sipas Bashkisë Librazhd, mendimi i komunitetit do të jetë një element i rëndësishëm në këtë proces dhe do të merret në konsideratë gjatë hartimit të qëndrimit përfundimtar të institucionit vendor.

Postimi i plotë

Bashkia Librazhd njofton të gjithë qytetarët se ka nisur procesi i konsultimit publik për projektligjin “Për ndarjen administrativo-territoriale të njësive të qeverisjes vendore në Republikën e Shqipërisë”. Gjatë ditëve në vijim do të organizohen takime konsultuese në secilën Njësi Administrative të Bashkisë Librazhd, ku qytetarët do të kenë mundësinë të njihen me përmbajtjen e projektligjit, të shprehin mendimet, propozimet dhe sugjerimet e tyre. Mendimi i komunitetit është një pjesë e rëndësishme e këtij procesi dhe do të merret në konsideratë gjatë hartimit të qëndrimit përfundimtar të Bashkisë Librazhd. Ju ftojmë të merrni pjesë në takimin që do të zhvillohet në Njësinë tuaj Administrative në datat dhe oraret që do të publikohen së shpejti.