Veliaj mbërrin në Gjykatën Administrative, në gjyq kundër Ols Dados

Sot mbahet gjyqi në Gjykatën Administrative për padinë e Erion Veliajt kundër prokurorit Ols Dado.

Kryebashkiaku i Tiranës, Erion Veliaj, do të jetë i pranishëm në seancë dhe ka mbërritur në Gjykatën Administrative.

Veliaj pretendon se emërimi i prokurorit Dado është bërë në shkelje të rregullave.

“Është evidente që po krijohet asimetri. Një palë po i shtohet interesit publik, të paditurit po i largohen të tjerët, KLP dhe Avokati i Shtetit. Ose KLP nuk tregon respekt për këtë gjykatë, ose ka kuptuar atë që di gjithë Shqipëria që Ols Dado nuk është prokuror dhe kryebashkiaku është arrestuar.

Mandati i kryetarit të bashkisë nuk mund të trajtohet si plaçkë. Dikush ka veshur uniformën e shtetit dhe më ka rrëmbyer nga zyra. Nëse dikush mund të vishet si polic apo si prokuror në këtë teatër, merr në qafë një qytet të tërë. Unë dy fitore i kam marrë edhe pa shkuar në Strasburg. Nëse më rrëmbyen mua, mund të rrëmbejnë këdo tjetër”, tha Veliaj.