Kryeministri Rama: Për herë të parë një dron bujqësor vihet në dispozicion si mjet pune

Kryeministri Edi Rama ka bërë me dije së një dron bujqësor është vënë në përdorim si mjet pune për fermerët në Shkodër e Fushë-Krujë për të monitoruar kulturat bujqësore.

“Për herë të parë, një dron bujqësor vihet në dispozicion si mjet pune për monitorimin në kohë reale të kulturave, vlerësimin e shëndetit të bimëve dhe përdorimin më efikas të inputeve, duke ulur kostot, rritur rendimentin dhe cilësinë e prodhimit. Ky dron do t’u shërbejë Qendrave të Transferimit të Teknologjive Bujqësore në Fushë-Krujë e Shkodër, si dhe fermerëve.
Bujqësia inteligjente është pjesë e vizionit tonë #Bujqësia2030, për një sektor më të qëndrueshëm dhe konkurrues, në përputhje me standardet e Bashkimit Europian”, shkruan Rama, teksa ka ndarë dhe pamje nga vënia në përdorim e dronit inteligjent për bujqësinë.