Kryeministri Rama: “Vijojmë punën” për çlirimin e hapësirave publika të uzurpuar nga sipërmarrës dhe biznese

“Vijojmë punën,” shkruan Kryeministri Edi Rama në një publikim video, ku dokumentohet faza e radhës e aksionit për çlirimin e hapësirave publike të uzurpuara prej sipërmarrësve dhe bizneseve. Në këtë material, pasqyrohet ritmi i pandalur i ndërhyrjeve në terren, ku vetë poseduesit e tyre, duke ju përgjigjur vendosmërisë së qeverisë për t’i shkuar deri në fund këtij aksioni, po çontojnë strukturat dhe hequn objektet në lavazhe.

Nisma është pjesë e programit “Rilindja Urbane 2.0” dhe synon rritjen e cilësisë së shërbimeve, funksionalitetit urban dhe respektimin e standardeve të mikpritjes në çdo qytet të Shqipërisë.

Aksioni, i nisur në korrik, është konceptuar si ndërhyrje e përhershme dhe mbetet prioritet i pushtetit vendor dhe qendror.

Qeveria ka forcuar kontrollet mbi territorin dhe ka ashpërsuar masat në Kodin e ri Penal për goditjen e ndërtimeve pa leje. Gjithashtu, pritet miratimi i Rregullores së re Kombëtare, e cila do të përcaktojë qartë hapësirat që bizneset mund të përdorin ligjërisht.

Përmes portalit “Hapësira ime publike”, qytetarët kanë raportuar deri tani 16 231 raste shkeljesh. Nga këto, 12 436 janë zgjidhur, ndërsa 3 795 raste janë në proces shqyrtimi.