Kuvendi i Shqipërisë është mbledhur sot në seancën e radhës plenare ku në rend dite është parashikuar zhvillimi i 6 interpelancave. Seanca nisi me debate për investimet në Zvërnec. Kreu i Partisë ”Mundësia”, Agron Shehaj në fjalën e tij lëshoi akuza në drejtim të qeverisë.
”Zbatoni ligjet e Kushtetutën. I shihni njerëzit që kanë dalë apo jo. Ju kalojnë afër shtëpisë apo jo. Janë me dhjetëra mijëra, del Taulanti dhe i tall. Keni shitur Shqipërinë dhe interesin e shqiptarëve në 35 vite, kanë dalë në shesh shqiptarët. Kuvendi duhet të shkrihet, nuk ju duan më njerëzit duhet të vijnë t’ju marrin zvarrë.
Taulant kujdes kur kalon afër koshit të plehrave se mund të të marrin e t’ju fusin atje siç kanë bërë në vende të tjera. Do të mbahet mend si qershori i protestave. Mjaft i injoruat dhe ua nxitë jetën qytetarëve. Kur populli ngrihet duhet të shkohet në zgjedhje”, tha ai.
