Largimi i Marjana Koçekut nga PS, Balla mbledh grupin parlamentar: Për atë do të flas…

Taulant Balla ka mbledhur mëngjesin e sotëm grupin parlamentar të PS.

Gjatë mbledhjes, kreu i grupit ka deklaruar se, lidhur me vendimin e marrë dje nga deputetja e qarkut Shkodër, Marjana Koçeku, e cila vendosi të largohet nga PS dhe të dalë si deputete e pavarur, do të flasin në një moment tjetër.

Deputetja e Partisë Socialiste në Qarkun e Shkodrës e fitoi mandatit duke qenë pjesë e listës së mbyllur, ndërsa pasditen e djeshme njoftoi se nuk do të jetë më pjesë e grupit parlamentar socialist dhe do të vijojë mandatin si deputete e pavarur.

“Prej sot jam deputete e pavarur. Idealet e vlerat e mia janë ato që i kam pasë e i kam shprehë qysh para se me u asociu me një parti. Ato m’i diftojnë kufijtë”, ka shkruar Koçeku.

Ajo e fitoi mandatin me PS, duke qenë pjesë e listës së mbyllur, ndërsa një ditë më parë njoftoi vendimin për largimin përmes një postimi në rrjetet sociale.