Lesi i drejtohet Luçiana Kokajt: Protestës i duhet një program politik!

Luçiana Kokaj, bashkëdrejtuesja e Protestës, thotë se grupimi i të rinjve që po proteston nuk ka në plan të shndërrohet në një lëvizje politike. Nga ana tjetër, Nikoll Lesi argumentoi se për të ndryshuar sistemin politik në vend duhet hyrë në zgjedhje përmes një partie politike të regjistruar, duke kërkuar një program të qartë dhe mbështetje me votë nga qytetarët.

Lesi: Edhe njëherë të inkurajoj, por më lejo të them edhe njëherë, se Protesta duhet të prodhojë një program politik. Që të futesh nesër në zgjedhje, që të fitosh pushtetin. Pushteti merret me votë dhe për të ndryshuar një sistem të tërë duhet të shkosh në zgjedhje. Që të shkosh në zgjedhje duhet të jesh parti politike. që të jesh parti politike do të regjistroshesh në KQZ, të kesh emrin flet votimi dhe i thua popullit, ne të rinjtë e Shqipërisë duam të rrëzojmë dyshin e vjetër Rama dhe Berisha. Duam votën tuaj. Por ju si do shkoni, Luçiana?

Kokaj: Nuk e kemi menduar që të bëhemi një lëvizje politike. Ti shkove direkt në zgjedhje. Ndërsa unë po të them që në shesh nuk po diskutohet për një lëvizje politike. Po diskutohet që Edi Rama të japi dorëheqjen dhe pastaj plani B do jetë një plan që do përcaktohet gjithë bashkarisht aty…