Lexoi 5 kërkesat e protestuesve, Rama nxjerr dokumentin e 1999-s për Dritan Goxhajn: Kur s’pranoi të luftojë për Kosovën…

Kryeministri Edi Rama ka reaguar me anë të një postimi në rrjetet sociale, mbi kërkesat e ish-oficerit të UÇK-së, Dritan Goxhaj, i cili foli një ditë më parë në protestë.

Gjatë tubimit, Goxhaj renditi 5 kërkesat e tyre ndaj qeverisë, mes të cilave dorëheqja e kryeministrit, krijimi i një qeverie teknike 12-mujore, ndryshime kushtetuese dhe zgjedhore, si dhe shfuqizimi i disa ligjeve dhe paketave që, sipas tyre, cenojnë interesin publik.

Reagimi i plotë i Ramës: 

“Po mos bre mos ja kajni nanën krejt, çfarë komandant i leshit more”… Këto ishin fjalët e një burri me disa të vrarë në familje, që i revoltuar me hosanatë e mbrojtësve të këtij tipit, më çoi dokumentin bashkëngjitur sot në sabah.
Ndërsa këto janë fjalët e mia:
Ej, trima, jo për një manipulator gjysëm taleban e gjysëm mitoman, po për krejt botën sikur të ma falin, nuk e hedh një pikë balte unë mbi flamurin e UÇK-së🇦🇱🦅🇽🇰
Dhe kush bën shaka me ndërhyrjen agresive të Iranit në këtë protestë, do ndihet shumë i turpëruar kur e vërteta të dalë në shesh, pasi e tërë kjo mjegull histerie digjitale të shpërndahet”.