Meloni: Grekët japin kontribut për Europën! Reagon Rama: Në 2028 nuk do t’i duhet t’i tërheqim veshin qiriakosit

Rama dhe Meloni gjatë një konference të përbashkët folën edhe për marrëdhëniet me Greqinë dhe bashkëpunimin rajonal. Kreu i qeverisë u shpreh se në Shqipëri ka ministra që flasin greqisht, dhe se vendi i tij është i gatshëm të bashkëpunojë me Athinën, pavarësisht sfidave të kaluara. Nga ana e saj, Meloni theksoi mbështetjen e Italisë për integrimin e Shqipërisë në Bashkimin Europian dhe për respektimin e rregullave.

”Faktikisht, përfundimi i marrëveshjeve të fundit tregon punën e mirë që ka bërë Shqipëria”,-tha ajo. Ajo shtoi se po punohet për përfshirjen e universiteteve italiane të drejtësisë në hartimin e teksteve juridiksionale. Meloni gjithashtu theksoi marrëdhëniet e mira me miqtë grekë, duke i konsideruar ata si partnerë të angazhuar për të mirën e Europës.

Kurse Rama shtoi se Italia dhe Greqia janë vende fqinje, dhe se marrëdhënia e tyre është e relaksuar për shkak të detit që i ndan. ”Jemi në kontakt të vazhdueshëm dhe punojmë mirë së bashku. Vlerat e mbrojtjes dhe të të drejtave të pakicave janë parime të pandashme për Shqipërinë”. Rama shprehu optimizëm se deri në vitin 2028, kur Italia do të ketë kryesinë e Bashkimit Europian dhe Meloni do të drejtojë negociatat, çdo çështje me Greqinë do të jetë zgjidhur.

Kryeministri shqiptar vuri në dukje gjithashtu bashkëpunimin e fortë mes dy vendeve. ”Është e sigurt që jemi të lumtur të ndihmojmë Italinë. Nuk do ta harroj kurrë ndihmën që zjarrfikësit italianë dhanë gjatë tërmetit në Shqipëri, rrezikuan jetën e tyre për të shpëtuar njerëz që takuan për herë të parë. Këto janë gjëra që e bëjnë Italinë më shumë se një aleat; ajo është motër e Shqipërisë”.