Ministri i Drejtësisë, Gogu nga Korça: Amnistia së shpejti në Parlament

Ministri i Drejtësisë, Toni Gogu nga Korça ku zhvilloi një takim me juristët e qytetit, u shpreh se PS-ja do vijojë te mbështetë ndryshimet në kodin e procedurës penale qe ndalojnë pezullimin e ministrave të kabinetit qeveritar.

Nga ana tjetër ministri shtoi edhe se amnistia në burgje e cila ka marrë dritën jeshile në qeveri do kalojë për diskutime brenda pak kohësh në parlament dhe më pas do të kryhet implementimi i plotë i saj.

Pyetur nga gazetarët lidhur me pretendimet për lirimin e Erion Veliajt dhe favorizimin e tij të mundshëm brenda në burg, Gogu e ka shmangur si pyetje, duke treguar se drejtorët e burgjeve bashkë me të janë vetëm shërbyes të ligjit dhe të asnjë individi në veçanti.