Ministri Nufi: Partneriteti strategjik me SHBA, shtyllë kryesore e politikës sonë të sigurisë dhe mbrojtjes

Ministri i Mbrojtjes, Ermal Nufi, ndodhet në një vizite zyrtare në në SHBA. Në një vizitë në Parlamentin e Shtetit të Nju Xhersit  u mikprit nga Guvernatorja e këtij shteti Mikie Sherrill si dhe nga Gjeneral Brigade i Forcave Ajrore të SHBA Yvonne L. Mays – Adjutante e Përgjithshme e Shtetit të Nju Xhersit dhe Komisionere për Çështjet Ushtarake.

“Partneriteti strategjik me SHBA mbetet një nga shtyllat kryesore të politikës sonë të sigurisë dhe mbrojtjes. Shqipëria do të vazhdojë të jetë një aleate e besueshme, duke kontribuuar me përgjegjësi për paqen, stabilitetin dhe sigurinë e përbashkët”, theksoi ministri Nufi në një postim në rrjetet sociale.

Përgjatë kësaj jave në SHBA, ministri Nufi do të marrë pjesë në një sërë aktivitetesh në Nju Xhersi në kuadër të 25-vjetorit të Programit të Partneritetit Shtetëror, ndërsa do të udhëtojë edhe në Uashington për takime dhe bisedime dypalëshe në fushën e mbrojtjes.