Ministri Vengu në Romë: Rinovojmë pas 3 dekadash partneritetin ushtarak me Italinë

Ministri i Mbrojtjes, Pirro Vengu, tregon se në mbledhjen e përbashkët qeveritare mes Shqipërisë dhe Italisë, nga 16 marrëveshjet e bashkëpunimit mes dy shteteve që u firmosën sot, 8 prej tyre i përkasin fushave ushatarake, mbrojtjes civile dhe industrisë.

“Mbledhja e dy qeverinë në Romë është mbledhja e parë e këtyre përmasave në drejtimi ne dy kryeministrave Rama dhe Meloni dhe është pasqyrimi i rritjes dhe dinamikës së marrëdhënieve 2-palëshe gjatë periudhës së viteve të fundit qoftë në rrafshin e investime italiane në vendin tonë dhe në atë të bashkëpunimit ushtarak apo mbrojtjes civile.
Nga 16 marrëveshje që nënshkruam, 8 prej tyre janë të mbrojtjes, industrisë ushtarake dhe mbrojtjes civile. Kemi marrëveshjen e parë prej 3 dekadash, rinovojmë partneritetin ushtarak me Italinë për shumë arsye, brenda NATO-s, për industrinë ushtarake që duam të kemi në fokus. Kemi dy marrëveshje gjigante që nënshkruhen mes dy kompanive shtetërore, KAYO dhe Fincantieri për prodhimin e anijeve ushtarake, dhe kjo është arritje domethënëse. Një tjetër marrëveshje e KAYO-s dhe kompanisë Leonardo e specializuar në teknologjinë ushtarake, mbrojtjen kibernetike.
Vijojmë dhe me një mbështetje për mbrojtjen civile. Këtë partneritet duam ta çojmë në një nivel më të lartë për krijimin e të gjitha sistemeve të paralajmërimit të hershëm dhe krijimin e detyrimit që buron nga BE për të pasur dhe ne numrin evropian 112, ku të gjithë qytetarët mund t’i referohen për emergjenca. Qoftë Italia, Shqipëria dhe vendet e NATO-s janë në një fazë ku ka një rritje të buxheteve të mbrojtjes”, tha ndër të tjera Vengu.