Ministrja e Arsimit, Kumbaro: Të rishikohet ligji për arsimin e lartë

19.671 studentë janë regjistruar për herë të parë në universitetet shqiptare. Lajmin e ka bërë të ditur nga Shkodra ministrja e Arsimit Mirela Kumabro, ku mori pjesë në ceremoninë e çeljes së vitit të ri akademik. Në fjalën e saj, Kumbaro tha se univeristetet sot përballen me sfidën e profilizimit dhe krijimin e programeve të reja.

“Sot universitetet kanë një sfidë të madhe, profilizimi. Nuk do të thotë vetëm përforcimi i programeve por edhe krijimi i programeve të reja. Me reformën e arsimit të lartë kemi siguruar cilësi, çka do të thotë garanci për të ardhmen”, tha Kumbaro.

Sipas saj ka ardhur koha të rishikohet ligji për arsimin e lartë për t’ju përgjigjur sfidave të kohës.

“Pas 2014 ka ardhur koha për të rishikuar ligjin e arsimit të lartë për t’ju përgjigjur sfidave të kohës që jetojmë. Diplomat të vlerësohen globalisht dhe të keni mundësi mobiliteti”, tha Kumbaro.