Ministrja Spiropali në Bruksel: Ballkani Perëndimor, potencial mundësish për vetë BE-në

Ministrja për Europën dhe Punët e Jashtme, Elisa Spiropali është e ftuar në darkën e përbashkët mes ministrave të Jashtëm të BE dhe ministrave të Jashtëm të Ballkanit Perëndimor, me ftesë të presidentes së Komisionit Europian dhe Kryediplomates Europiane, Kaja Kallas.

Në darkën e thirrur nga Kallas, do të diskutohen çështjet me interes të përbashkët për rajonin dhe Bashkimin Europian. Spiropali publikoi pamjet e mikpritjes në Bruksel përpara darkës, nga kryediplomatja Kallas dhe Komisionerja për Zgjerim, Marta Kos.

Sakaq në një postim në Facebook, Spiropali shkruan se në fokus të darkës është e ”ardhmja e përbashkët ku rajoni nuk do të jetë barrë, por vlerë, potencial e horizont mundësish për vetë Unionin”.