Miratimi i rezolutës së PE për Shqipërinë, ministri Hoxha takohet me Schieder: Mesazh inkurajues drejt Integrimit

Ministri i Europës dhe i Punëve të Jashtme, Ferit Hoxha është takuar në Bruksel me Andreas Schieder, raportuesin për Shqipërinë në PE, pas miratimit të rezolutës nga Komisioni i Jashtëm.

Hoxha shkruan se e ka falënderuar raportuesin ndërsa thekson se miratimi i rezolutës “përcjell një mesazh të fortë dhe inkurajues në mbështetje të rrugës sonë drejt anëtarësimit evropian”. Ai shton edhe se kanë biseduar edhe për ecurinë e procesit të negociatave me BE-në dhe rëndësinë e vijimësisë së reformave.

“Shqipëria e vlerëson shumë rolin e rëndësishëm dhe mbështetjen e vazhdueshme të europarlamentarëve dhe të gjithë miqve të zgjerimit, të cilët besojnë në një Evropë më të fortë, më të bashkuar dhe të orientuar drejt së ardhmes”, përfundon Hoxha.