Nagelsmann: Barcelona nuk ka para por blen çdo lojtar që do

Trajneri i Bayern Munich, Julian Nagelsmann ka lëshuar disa deklarata të forta ndaj Barcelonës pas shitjes së Robert Lewandowsit te spanjollët. Në një konferencë për shtyp, Nagelsmann nuk i kurseu kritikat.

“Barcelona është i vetmi klub që nuk ka para, por në fund blen çdo lojtar që dëshiron. Nuk e di se si e bëjnë këtë gjë. Është pak e çuditshme, pak e çmendur”, deklaroi Nagelsmann.

Deklarata u dha dje pas zyrtarizimit të sulmuesit polak me Barcelonën dhe Nagelsmann-it nuk i del inati që ata i morën sulmuesin e tyre më të mirë.