Ndërpritet markimi i karburanteve, bllokohet furnizimi në vend
Lajme E Premte, 16 Prill 2021 05:50
Bllokohet aktiviteti tregtues i naftës në Porto-Romano. Shkak është bërë kompania GFI, e cila ka marrë me koncesion markimin e karburanteve.
Lajmi konfirmohet nga autoritetet portuale në Durrës, të cilët saktësojnë se furnizimi i tregut me naftë është bllokuar që prej mëngjesit të sotëm.
Kompania GFI, e cila ka marrë me koncesion markimin e karburanteve nuk ka bërë markimin.
Por në bazë të një vendimi të Këshillit të Ministrave autobotet nuk mund të dalin pa u shënjuar. Kjo ka penguar autobotët të dalin nga zona e lirë doganore.
GFI Albania mori të drejtën mbi koncesionin e markimit të karburanteve në vitin 2011, ndërsa aktiviteti i kompanisë nisi në vitin 2013.
