Ndizen dritat e pemës në Sheshin “Skënderbej” për festat e fundvitit

Lajme E Shtunë, 6 Dhjetor 2025 19:32

Sezoni i festave ka nisur zyrtarisht këtë të shtunë në disa qytete të Shqipërisë, ku sheshet kryesore u mbushën me drita, muzikë dhe qindra qytetarë që pritën ndezjen simbolike të pemëve të Vitit të Ri.

Në Tiranë, sheshi “Skënderbej” u shndërrua në një hapësirë plot gjallëri me ndezjen e dritave të pemës gjigante, ndërsa atmosferën e ngrohu kori i fëmijëve dhe të rinjve të shkollave të kryeqytetit, së bashku me artistë të vegjël dhe grupe baleti.

Edhe Fier, Durrësi, Shijaku dhe Korça çelën zyrtarisht festimet, duke zbukuruar rrugët dhe sheshet me dekorime dhe instalacione ndriçuese. Qindra qytetarë u bashkuan në këto evente, duke shijuar momentet e para të magjisë së fundvitit që tashmë ka mbërritur në çdo cep të vendit.