Në ”Koha Jonë-Debat”, Luçiana Kokaj paralajmëroi se ekziston rreziku që disa grupe brenda protestës të provokojnë tensione dhe dhunë, gjë që sipas saj do ta dëmtonte qëllimin fillestar të lëvizjes.
Kokaj përmendi gjithashtu praninë e diasporës dhe të rinjve, duke theksuar se një pjesë e tyre kanë shprehur gatishmëri për veprime më radikale, por se janë bërë përpjekje për t’i bindur që protesta të mbetet paqësore.
Lesi: Se ky ishte plani numër 1, pra erdhi turmë e madhe, protestë e madhe, u shkund sistemi, po nuk është të rrëzuar sistemi. Si do të veprohet?
Kokaj: Tani në qoftë se ata duan të provokojnë dhunë në atë protestë dhe duan të largohen vetëm me dhunë, më beso që aty ka shumë që janë të gatshëm që të degradojë dhe protesta dhe të shkojnë të përshkallëzojë edhe në dhunë. Aty diaspora që kur erdhi dhe shumë të rinj aty ka çdo ditë që thonë po mos të rrim më të shkojmë të hyjmë Kryeministri apo ta përshkallëzojmë dhe realisht kemi bërë një ndoshta një punë të madhe për t’i bindur që kjo protesta është madhështore se është paqësore. Ne nuk jemi si ata. Ne nuk jemi të dhunshëm. Ne duam që Shqipëria vërtetë të ndërrojë faqen njëherë e mirë dhe duam vërtetë që të ndërrojnë në mënyrë paqësore.