Ngjarja e rëndë në Ksamil, reagon Balla: Drejtësia të bëjë detyrën

Kryetari i grupit parlamentar të Partisë Socialiste, Taulant Balla reagoi pas ngjarjes së rëndë të ndodhur në Ksamil, ku humbi jetën një turist i huaj.

Balla vlerësoi ndërhyrjen e Policisë, e cila sipas tij ka arritur të ndalojë në kohë rekord autorin e dyshuar të krimit.

“Policia ka arritur të ndalojë në kohë rekord autorin e një krimi tepër të rëndë në Ksamil. Humbja e jetës së një turisti të huaj nuk është në traditën e shqiptarit. Ata vijnë në Shqipëri në besën dhe mikpritjen e shqiptarit. Drejtësia duhet të bëjë detyrën dhe shembullin!”, u shpreh Balla.