Nisin të martat e shenjta të Shën Ndout, Rama ndan foton nga Kisha e Laçit

Kisha e Shën Ndout në Laç prej vitesh është kthyer në vendin ku bashkohen mijëra qytetarë dhe besimtarë nga mbarë vendi.

Që nga 17 marsi deri në 13 qershor, e marta e çdo jave e kthen këtë kishë, që i kapërcen kufijtë fetarë, në epiqendër të lutjeve të qytetarëve nga të gjitha qytetet e vendit. Kryeministri Edi Rama ka postuar në rrjetet sociale pamje nga Kisha e Laçit, ku sot është e marta e parë e shenjtë e Shën Ndout.

Vendi i shenjtë i Shën Ndout është bërë vendi i unifikimit të besimeve dhe besimtarëve, të cilët pa dallim feje besojnë në mrekullitë e njërit prej Shenjtëve me të njohur jo vetëm në Shqipëri, por edhe në mbarë Europën.

Kisha mendohet se është ndërtuar në vitin 1869, ndërsa në 12 qershor 1966 u shpall zonë ushtarake. Një vit më vonë kisha u mbyll. Në shkurt të 1968 kisha e Shën Ndout dhe shpella e Shën Vlashit u shkatërruan me mina.

Screenshot