Ministri i Mbrojtjes, Ermal Nufi zhvilloi sot një takim me pilotët e Forcës Ajrore në Bazën Ajrore të Farkës, në një moment kur efektivët e Forcave të Armatosura janë të angazhuar intensivisht në përballimin e situatave të krijuara nga zjarret gjatë sezonit veror.
“Në Bazën Ajrore të Farkës, një takim falënderues me ata që këto ditë janë në ajër për të mbrojtur jetën, pronën dhe pasuritë tona natyrore.
Mirënjohje e përzemërt për pilotët e Forcës Ajrore, për çdo mision në përballjen me zjarret, për përkushtimin, guximin dhe sakrificën e tyre.
Sot, më shumë se fjalët, secili prej tyre meriton një falënderim të sinqertë: Faleminderit për shërbimin, për sakrificën dhe për çdo mision të kryer me sukses deri sot”, shprehet Nufi.
Të pranishëm në këtë takim ishin gjjthashtu shefi i Shtabit të Përgjithshëm të FA, gjenerallejtënant Arben Kingji, komandanti i Forcave Ajrore, gjeneral brigade Edmond Voci; pilotë të Forcës Ajrore, si dhe oficerëve të menaxhimit të dronëve.
