OBSH: Vendet pa politika për çrregullimet neurologjike, mbi 3 miliardë njerëz të prekur

Organizata Botërore e Shëndetësisë (OBSH) paralajmëron se më pak se një në tre vende në botë ka politika kombëtare për të adresuar barrën në rritje të çrregullimeve neurologjike,  të cilat shkaktojnë mbi 11 milionë vdekje çdo vit dhe prekin më shumë se 3 miliardë njerëz.

Sipas raportit të OBSH-së për statusin global mbi neurologjinë,  çrregullimet neurologjike ndikojnë në mbi 40% të popullsisë globale. Ndër dhjetë kontribuesit kryesorë në vdekje dhe paaftësi renditen,  goditja në tru,  encefalopatia neonatale,  migrena, sëmundja e Alzheimerit dhe demencat e tjera,neuropatia diabetike.

“Më shumë se 1 në 3 njerëz në botë jetojnë me gjendje që prekin trurin e tyre. Ne duhet të bëjmë gjithçka që mundemi për të përmirësuar kujdesin shëndetësor që u nevojitet”,  tha Jeremy Farrar,  ndihmës drejtor i përgjithshëm i OBSH-së për promovimin e shëndetit.

Ai theksoi se shumë prej këtyre gjendjeve mund të parandalohen ose trajtohen në mënyrë efektive,  por shërbimet shëndetësore mbeten të paarritshme për shumicën,  veçanërisht në zonat rurale dhe të pashërbyera,  ku stigma,  përjashtimi social dhe vështirësitë financiare janë të zakonshme.