Pavarësisht motit të keq, qytetarët bashkohen në shesh: Dorëheqje e Ramës dhe qeveri teknike

Këtë të mërkurë mbahet protesta e 25 kundër kryeministrit Edi Rama. Edhe pse moti është me shi, nuk i ka ndalur qytetarët që të mblidhen në sheshin ”Skënderbej”. Qytetarët kërkojnë dorëheqjen e pa negociueshme të kryeministrit. Revolta ka tejkaluar tashmë kauzën fillestare dhe është shndërruar në një lëvizje më të gjerë.

Protestuesit kanë artikualuar edhe 5 kërkesat e tyre, që janë dorëheqja e kryeministrit Edi Rama, krijimi i një qeverie teknike tranzitore me mandat jo më pak se 12 muaj, ndryshime kushtetuese që do të miratohen me referendum, si dhe ndryshime në ligjin për financimin e partive politike.

Po ashtu, protestuesit kërkojnë kufizimin e ushtrimit të detyrës së kryeministrit në jo më shumë se dy mandate. Strukturat e Policisë së Shtetit kanë marrë masat për garantimin e rendit dhe sigurisë gjatë zhvillimit të protestës dhe marshimit në akset kryesore të kryeqytetit.