Pak orë nga protesta, Berisha mesazh qytetarëve: Sot është dita e guximit qytetar!

Kreu i Partisë Demokratike, Sali Berisha, u ka bërë thirrje qytetarëve për pjesëmarrje në protestën që po mbahet sot para Kryeministrisë, përmes një mesazhi të publikuar në rrjetet sociale.

Në reagimin e tij, Berisha e cilëson këtë ditë si “ditën e guximit qytetar”, duke theksuar se protesta, sipas tij, përfaqëson një akt gjykimi politik ndaj qeverisë aktuale.

“Sot është dita kur populli opozitar i bën gjyqin kryehajdutit, kryeministrit të lidhur me banditë, trafikantë dhe vrasës. Është dita e ngadhënjimit mbi të keqen që ka mbërthyer Shqipërinë”, shkruan Berisha në mesazhin e tij.